عرض مشاركة واحدة
  #52  
قديم 10-09-2008, 05:27 AM
شموخ نجد شموخ نجد غير متواجد حالياً
 
تاريخ التسجيل: Jun 2006
المشاركات: 4,833
افتراضي

اقتباس:
المشاركة الأصلية كتبت بواسطة همسة حنين


رواية جيدة لكاتب اسمه توماس هاردي
اسمها بعيدا عن الناس
تحكي عن امراة جميلة ولكنها مغرورة تحب اعجاب الرجال بها
وقع في حبها تلاتة
اولهم جبرييل وكان لا يثير اهتمامها لأنه فلاح فقير حينما صارحها بحبه ورغبته في الزواج منها سخرت منه وقالت انها لا تحبه وانه لا يرضي غرورها وان الزواج بالنسبة لها سيكون بمثابة تحقيق انتصار عظيم من وجهة نظرها الخاصة وانها تحتاج لشخص يروضها ويجعلها ألفة وليس باستطاعة جبرييل فعل ذلك
ودارت احداث وغادرت الفتاة القرية وماتت عمتها وانتقلت ثروتها لها وبالصدفة تقابلت مع جبرييل تاني واشتغل عندها في المزرعة
والتاني الذي وقع في حبها كان رجل وقور في الاربعين الخمسة واربعين كدا من عمره
كان غني وصاحب مزرعة وكان الرجل الوحيد في المنطقة الذي كلما رآها لا يبدي لها اهتماما
ولا يحملق فيها كباقي الرجال اللي كانو مهبولين عليها
المهم عرفت الفتاة انه غير متزوج وان المراة لا تعني له شيء على الاطلاق
وكانت متضايقة جدا لانه لا يبدي لها اهتماما
ففي يوم الفلانتين وهيا قاعدة بتحكي لخادمتها
فكرو في فكرة طايشة
انهم يبعتوا له بطاقة مختوم عليها ختم تزوجني !!
وفعلا ارسلوها فالراجل ياعيني اتهبل
وقلقوا منامه والبطاقة دي غيرت حياته بعد ماكان وقور ورزين ولا يهتم بشيء اسمه مرأة على الاطلاق
وحصلت شوية حاجات كدا المهم عرف بعدها ان اللي ارسلت البطاقة
تبقى باتشيبا البنت الجميلة واتغير خاااااااااالص وبقى يهتم بيها وينظر لها على غير المعتاد
وفي يوم من ذوات الايام قرر انه يصارحها انه عرف انها هيا اللي ارسلت البطاقة
وانه وقع في حبها وانه عايز يطلب الزواج منها
المهم لما طلب منها كدا خجلت جدا من فعلتها الطائشة
وقالت له يديها فرصة تفكر اما هو اتهببببببببببببل واخذ يعبر لها عن حبه الشديد وانها غيرت حياته وانه وانه وانه
ودارت شوية احداث
وقابلت في يوم ((واحد )) الضحية التالتة اللي وقع برضو في حبها
وكان جندي وشاب صغير لفت انتباهها وحبته فعلا لانه كان بيشيد بجمالها
وكان كلامه مؤثر جدا فيها وكانت غلطة الراجل الوقور(( اللي مش فاكرة اسمه ايه)) انه كان لا يشيد بجمالها وكدا يعني
المهم ان شوية احداث دارت وانها فعلا اتجوزت الواد الأخير ده كان اسمووووووو ايه ؟؟ مش فاكرة المهم انها اتجوزته عشان قال لها لو ماوافقتش عليه فهو في واحدة تانية اكثر منها جمالا ربما يعني يسيبها ويروحلها هههههههههههههه << حلوة اللغة العربية دي
المهم اشتعلت الغيرة في قلبها ووافقت على الزواج منه بس في السر
عشان خايفة من الراجل الوقور الرزين العاقل اللي كانت اعطته وعد وما رديتش عليه
المهم ان الراجل ده رقم اتنين كان عارف انها بتحب رقم 3 الجندي لا كان رقيب مش جندي
وبعدين قابله في يوم وقاله انه هيقتله وانه عارف انه كان بيحب الخادمة بتاعتها
اللي سابتها وهربت وراحتله عشان تتجوزه
وعرض عليه فلوس عشان يسيب الجميلة ويروح للبنت اللي كانت بتحبه وخدعها
المهم انه اعترف انه خلاص اتجوزها بعد ما اخد الفلوس وقاله انه هيتجوز الخدامة
الراجل اتجنن جدا وفقد تركيزه
المهم في الاثناء دي كان المغفل الاولاني خالص جبريل لسة عندها في المزرعة
بيراعي شؤنها باخلاص ووفاء بس عشان بيحبها
وكان زوجها بياخد منها فلوس دايما عشان القمار وسباق الخيل المهم انا زهقت اوي
ودارت شوية احداث كتير
الخلاصة يعني ان زوجها هرب منها لما عرفت انه كان بيحب الخدامه اللي هربت وماتت بعدين
وبعد ماهرب بفترة قالو انه غرق ومات بس مكانش مات
فالراجل الوقور ههههههههههههه كان عنده امل انه يرجعلها تاني
فضل يتحايل عليها يتحايل عليها انها تقبل تتجوزه
قالتله انتا مجنون انا حاسة ان جوزي ماماتش هههههههههههه يخربيت لغتي
قالها القانون بيقول انك ممكن تتجوزي لو فات على غيابه 7 سنين
ولازم توعديني بعد سبع سنين تتجوزيني
قالتله هفكررررررررررررر
والله العظيم زهققققققققققققققققت
الخلاصة ان الراجل الوقور ده قتل جوزها لما رجع عشان عرف انه بيلاحقها
ولسة عايز يتجوزها ولما قتله اتجنن وراح سلم نفسه
والست هانم في الآخر رجعت للاولاني خالص جبرييل
اللي كان بيقول على نفسه انه زاي الكلب
بيشتغل عندها بوفاء واخلاص على امل انها تقدمله وجبة حتى لو يشوفها من بعيد لبعيد
وتوتة توتة خلصت الحدوتة احمدك يارب ايديا اتشلت
استفدتو ايه من البتاعة دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


السلام عليكم ورحمة الله وبركاته ...
همسة شكل الرواية ممتعة ! لكن ليتك ماقلت الخلاصة
ربي يعطيك عافية ...
والرواية الثانية لا تقولي النهاية
عشان نتحمس ونشوف ايه النهاية !!؟

تحياتي لك ..
رد مع اقتباس